【2020 比堅尼脫毛攻略- DERMES, APLUS VS EVRbeauty 脫毛】

【比堅尼脫毛攻略- DERMES, APLUS VS EVRbeauty 脫毛】

坦白講,由中學時期我已經係一個毛孩,啲毛多到隔離位嘅男同會都會忍唔住問我,點解你咁多毛,仲多毛過我? 可能佢真係出於好奇,但係呢一句説話真係令到我好傷心,但係正面啲嚟諗,亦都鼓勵到我成為脫毛達人。

試過剃毛,試過蜜蠟,試過係屋企辛苦咁拔毛,發覺個效果都麻麻,唔長久又傷害皮膚,卒之上網做咗好多研究,最後都係揀咗激光脫毛。

試過咁多種唔同嘅方法,中過咁多次伏,最後都係一次過啦,但係上網做研究嘅時候發現原來好多公司都有做呢d私密部位脫毛,而且仲分咗好多唔同位置,頭都亂晒,最後問哂做過嘅朋友先知道原來坊間有幾間口碑同價錢都幾ok嘅,我就逐一上去做諮詢,因為始終做係呢啲咁私密嘅位置,我都唔想求求期期,以下就係我嘅個人分享。

首先脫毛最適合亞洲人一定係揀脫毛波長755,因為亞洲人就係用呢一個波長係最好,最快冇毛。之後最好就係圓頭,雖然時間會長dd,但起碼會覆蓋得仔細啲,講真,打得快但係留好多毛我諗個個都唔想,同埋見過出邊有啲長方形頭,又話唔使full冰同吹凍風,但係打呢啲咁私密BIKINI部位好容易會漏毛,我真係唔想自己打到一岩一忽😭

一黎就去咗龍頭大佬,價錢中等,可以逐次俾錢嘅A加公司,有朋友都話過佢係幾好,因為佢又唔hard sell,上到去環境唔錯,但係見到啲人走來走去都好忙,好似好趕時間咁,因為我只係去諮詢,其實價錢都係好吸引,但係我都係想比較下先,顧問係幾詳細,但係一聽到話我唔做,就有少少黑面,感覺唔係太良好。始終係脫比堅尼,所以當然我就去埋D記脫毛龍頭做比較。

係地鐵,同成日上網睇到佢好多廣告,不斷係咁推HPD新機雙波長,新激光脫毛機器, 網上暫時未搵到有關新脫毛機器的評論,雖然冇乜好評或者負評,上到去設備都擺放有序,感覺唔錯,始終做嘅部位比較私密,都會想揀一間乾淨衛生少少。但系當我做諮詢既時候,佢地會系咁推薦我買其他part先值回票價,又講東講西,我話想先做左體驗先。我話之後先再決定,佢哋就即刻話要當下決定,但係因為我book嘅時候係免費三選一脫毛部位,所以我都想感受下先,因為連體驗都未試過,好似冇乜信心咁,但最後佢哋兜左幾個圈之後話房間full左冇位試做,敷衍左我一陣就叫我走,叫我返屋企考慮清楚,感覺有啲失望,因為我唔係要上去唔係要佔佢哋便宜,只係想去想了解返。

其實我都有心動嘅一刻,但係佢哋又叫我一定要買埋其他位置,先係最抵,坦白講,佢哋價錢唔係最抵,凈係比堅尼線 Bikini Line都要$11,900,所以我決定比較多一間。

最後去咗間EVRrbeauty 脫毛,呢個想去嘅原因係因為見到佢哋IG有我識嘅朋友去,問過之後朋友都有推薦我去。第一次上到去,我遲到,遲咗差唔多半個鐘,因為塞車,收到佢哋公司電話打嚟,以為佢哋會催我,點知佢哋係打黎關心我有冇蕩失路,第一個感覺都幾好。

上到去嘅時候感覺好乾淨,雖然鋪頭唔係好大,但五臟俱全,員工都幾貼心,仲問我肚唔肚餓,可能因為收工時間去。

諮詢嘅時候我都有同佢講,我都係想睇清楚同埋試咗激光反應測試先,佢哋都話冇問題,成個流程主要都係同我講解返儀器機同埋脫毛流程,解釋得好詳盡,之後做完測試之後,都冇逼我即刻做決定,呢個感覺係幾好,睇返價錢都算合理,返屋企諗完之後最後都係決定去呢一間, book咗一個星期後,因為咁啱我都Period。

另外, 當然要睇埋EVrbeaty激光脫毛係咪專業,EVRbeauty同另一脫毛品牌Medilase 一樣都係美國GENTLELASE PRO 脫毛機,另外Evrbeauty 與Dermes 一樣治療師資格專業有國際水準,EVR職員會show埋張cert俾我睇埋,都幾專業。主要原因與Evrbeauty 也是香港少有的醫學專業脫毛中心,始終我係脫私密部位,而且又有朋友介紹,見到EVRbeauty 脫毛儀器和專業程度,和各大脫毛大公司差唔多,跟進情況比較負責任,另外採用的脫毛儀器都是有保證的。

最後比較價錢,先知道EVrbeauty 脫全比堅尼都係6900HKD! 仲要可以12個AE分期,每個月都係5百幾蚊,真係超底做。

好啦,篇幅有限,今次就係我嘅初步EVRebauty 比堅尼體驗之旅,係下一篇將會詳細,講埋做比堅尼脫毛療程嘅過程同,做完激光脫毛療程之後的效果,再同你地講返個後感🤗

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

網站資料

Evr beauty 激光脫毛中心: evrbeauty.com

Evr beauty facebook: facebook.com/evrbeautylaser

dermes 激光脫毛中心 : dermes.com.hk

dermes facebook: facebook.com/dermes.hair.removal.specialist

Aplus https://a-plusbeauty.com.hk/

Aplus facebook: https://www.facebook.com/aplusbeauty.com.hk/

Leave a Comment

Your email address will not be published. Required fields are marked *